فراخ على طريقتي الخاصه ارجوا انها تعجبكوا وماتدعوش عليه لما تجربوها

* نجيب فرخه بيضا وبعد كده نقطعها اجزاء بالسكينه يعني الصدور والوراك والدبابيس وكده .

* وبعدين نجيب بصلتين متوسطين فى الحجم وبعدين نقطعهم شرائح .

* وبعد كده نجيب ورق لورة وفلفل اسود وملح على حسب الرغبه وشطه .

* نجيب تلت معالق زيت درة ونحطهم فى الحله ولما يقدحوا نحط الفراخ اول طبقه فى الاول وبعدين نحط طبقه بصل وعليها البهارات وورقه لورة وبعدين نحط طبقه اجزاء من الفراخ وعليها البصل والبهارات تاني.

* وبعدين نحط كوبايه ميه واحده بس عليهم .

ونتركها على النار حتي تنضج الفراخ .

وعند اقتراب النضوج نقوم برش الملح على حسب الرغبه هو والشطه .

وبعدين نتركهم ينضجوا خالص وبعد كده ننزلها من على النار وبالهنا وبالشفا ليكم جميعا.

***** ملاحظات***

* لا نضع الملح فى الاول لان الملح لو وضع فى الاول قبل نضوج الفراخ او اللحوم بيبطيء فى النضج ولا يجعل الفراخ تنضج بسرعه .

ايه الجمال ده استاذه
بس انا بحب الشربه وعايز كتير مش كبايه واحده
ربنا يخليكي ان شاء الله اخلي مراتي تجربهالي

ان شاء الله تعجبك وتعجب زوجتك بس بعد ماتستوي مش هتلاقي فيها كوبايه الشربه دي حتي ههههههههههههههه ماهي هتكون الفراخ شربتها وهيه بتستوي

بس والله بجد بيبقى ليها طعم مختلف تماما غير الفراخ المسلوقه اللي بيبقى فيها شربه كتير

ايه دة هي فراخ منوعة
اول طبقة مقلية
والتانية مسلوقة
ماشاء الله
اكلة جميلة
من الحلة للمستشفى
ههههههههههه
تسلم ايدك ايمي

لا يا بيسو مش نصها كده والنص التاني كده ما انت هتحط كوبايه ميه يعني الميه هتقف على الطبقه الاولي بس ماهي هتوصل للطبقه اللي تحت كمان عشان تشرب منها هههههههههههههههههههههههه

هجربها وامري الى الله
بس عاوزه بيسوو في الاول يديني الفرخه
وبعد ما اعملها هو اللي يذوق طعمها
لو لذيذ اكل طبعا هههههه
لكن لو طعم تاني يبقى خدوا بيسوو على المستشفى ههههه

تسلم ايدك يا قمر